Monday, October 12, 2009

ആഘോഷങ്ങള്‍




ഓഫീസിൽ നിന്ന് എത്ര വൈകി ഇറങ്ങുമ്പോഴും, എത്ര നേരത്തേ എത്തുമ്പോഴും സെക്യൂരിറ്റി ഗേറ്റിനു പിൻവശത്ത്‌ അവർ കൂടി നിൽക്കുന്നത്‌ കാണാം. കമ്പനിയുടെ വിവിധ യൂനിറ്റുകളിലേയ്ക്ക്‌ റോമെറ്റീരിയലും ഫിനിഷ്ഡ്‌ പ്രോഡക്റ്റും കൊണ്ടുപോകുന്ന ചെറുതും വലുതുമായ വാഹനങ്ങളുടെ ഡ്രൈവർമാരും, 'റണ്ണർ' എന്ന പേരിലറിയപ്പെടുന്ന, സാധനങ്ങളുടെ ഡെലിവറി ചലാനും മറ്റ്‌ പേപ്പറുകളുമായി അവർക്കൊപ്പം പോകുന്ന ഓഫിസ്‌ ബോയ്സും.

രാജ്യത്തിന്റെ പല ഭാഗത്ത്‌ നിന്നും വന്ന് കൂടിയവർ. അവരുടെ ജോലിയ്ക്ക്‌ അവധി ദിനമെന്നോ പകലെന്നോ രാവെന്നോ ഇല്ല. ഡെലിവറി ഡേറ്റിനനുസരിച്ച്‌ ഷിപ്മെന്റ്‌ പോകണമെങ്കിൽ അവർക്ക്‌ വിശ്രമിച്ച്‌ കൂട. അവർക്കും അങ്ങിനെ ജോലി ചെയ്യുന്നത്‌ തന്നെ ഇഷടം.

"ശമ്പളാ തുമ്പ കമ്മി സാർ. ഓടി മാടിന്താ ഡബിൾ സിക്ക്തെ"
(ശമ്പളം കുറവാണു, ഓവടൈം ചെയ്താൽ ഇരട്ടി ശമ്പളം കിട്ടും)

ആയുധ പൂജയ്ക്ക്‌, ഫാക്ടറികളും മെഷിനറികളും വാഹനങ്ങളും പൂജ ചെയ്യുന്ന ദിവസം അവർക്ക്‌ ഒഴിവാണു. അവരുടെ ആഘോഷവും ഫാക്ടറികളിൽ തന്നെ. കമ്പനി വക ബോണസ്സുണ്ട്‌. കൂടാതെ ആടിയും പാടിയും ആഘോഷം നടക്കുമ്പോൾ സൂപ്പർ വൈസർമാരുടെ വകയായും മാനേജർമാരുടെ വകയായും നെഞ്ചിൽ കുത്തിക്കൊടുക്കുന്ന പത്തോ അൻപതോ നൂറോ കൂടെയും!

No comments:

Post a Comment

യക്ഷി

'നല്ല യക്ഷികളും ഉണ്ട്, അവര്‍ മനുഷ്യരെ ഉപദ്രവിക്കില്ല' ജോണ്‍ തറപ്പിച്ച് പറഞ്ഞു. ജോണ്‍ ആണു പറയുന്നത്. സത്യമായിരിക്കും. അവനു അറിയാത്...