വിഷാദവും പിരിമുറുക്കവും അനുഭവിക്കാത്തവരായി ആരുമില്ല. നമ്മെ അതിലേക്ക് എത്തിക്കുന്ന കാരണങ്ങളും സാഹചര്യങ്ങളും ഇല്ലാതാവുമ്പോള്‍ സാവധാനത്തില്‍ നാം അതില്‍ നിന്നും മുക്തരായി സാധാരണ ജീവിതത്തിലേക്ക് തിരിച്ചുവരികയാണു പതിവ്. എന്നാല്‍ ചിലരുണ്ട്, വിഷാദം ഒരു ഒഴിയാബാധയായി സ്വയം പേറി നടക്കുന്നവര്‍. അത് അവരെ ഒരു രോഗാവസ്ഥയിലേക്ക് കൊണ്ടു ചെന്നെത്തിക്കുന്നു. ദുഖങ്ങളും സങ്കടങ്ങളും ആരോടും പങ്കുവയ്ക്കാതെ, സ്വയം പഴിച്ചും വെറുത്തും ഒടുവില്‍ തന്റെ തീവ്രമായ ഒറ്റപ്പെടലിന്റെ അറുതിക്കായി അവര്‍ മരണത്തില്‍ അഭയം പ്രാപിക്കുന്നു.
ലോകമെമ്പാടുമായി മുപ്പത് കോടിയിലേറെ ജനങ്ങള്‍ക്ക് വിഷാദരോഗം ഉള്ളതായാണു കണക്കുകള്‍. മനുഷ്യരാശിക്ക് ഭീഷണിയായിട്ടുള്ള രോഗങ്ങളില്‍ മൂന്നാം സ്ഥാനം.
RIP Robin Williams
