Saturday, August 29, 2009

മുളങ്കൂട്ടം


എല്‍.പി സ്കൂളിലേയ്ക്കുള്ള വഴിയില്‍ ഇല്ലപ്പറമ്പ് കഴിഞ്ഞാല്‍ സമൃദ്ധമായി വളര്‍ന്ന് നില്‍ക്കുന്ന മുളങ്കൂട്ടത്തിനിടയിലൂടെ അല്പദൂരം നടക്കണം.

മോഹന്‍‌ദാസാണ് പറഞ്ഞ് തന്നത്, മുളങ്കൂട്ടത്തിനിടയില്‍ പാമ്പുകള്‍ ധാരാളമായി ഉണ്ടാവും എന്ന്. അതുകൊണ്ട് തന്നെ അവിടെത്തുമ്പോള്‍ നടത്തത്തിന് വേഗം കൂടും.

തെക്ക് നിന്ന് ഞങ്ങളുടെ നാട്ടില്‍ കരിങ്കല്‍ പണിക്ക് വന്ന മേസ്തിരിയുടെ മകന്‍ ജോണ്‍ ഞങ്ങളുടെ സ്കൂളില്‍ ചേര്‍ന്നതില്‍ പിന്നെയാണ് മുളങ്കൂമ്പിന്റെ സ്വാദ് ഞങ്ങള്‍ അറിയുന്നത്. മുളന്തണ്ടില്‍ നിന്നും തളിരില വലിച്ചൂരി, മാര്‍ദ്ദവമേറിയ അതിന്റെ അടിഭാഗം കടിച്ച് തിന്നതിന്റെ ഇളം മധുരം ഇപ്പൊഴും നാവിന്‍ തുമ്പില്‍.

യക്ഷി

'നല്ല യക്ഷികളും ഉണ്ട്, അവര്‍ മനുഷ്യരെ ഉപദ്രവിക്കില്ല' ജോണ്‍ തറപ്പിച്ച് പറഞ്ഞു. ജോണ്‍ ആണു പറയുന്നത്. സത്യമായിരിക്കും. അവനു അറിയാത്...